�鶹��

18 Hydref 2023.

Gyda: Dr Ceryl Teleri Davies & Dr Louise Prendergast (Prifysgol �鶹��), Sioned Owen (Swyddog ôl-ofal Cyngor Gwynedd), Amy Sinclair (Uwch Gynghorydd Personol, Cyngor Gwynedd), Kayla a Eva.

Y podlediad hwn yw’r cyntaf mewn cyfres o bodlediadau i amlinellu trafodaeth a chanfyddiadau prosiect ymchwil dwy flynedd Ymchwil Iechyd a Gofal Cymru (yn gweithio gyda gwasanaethau ar draws Gwynedd, Conwy, Ynys Môn a Thorfaen) sy’n archwilio’r rhwystrau a’r galluogwyr i ymgysylltu ar gyfer y rhai sy’n gadael gofal. Mae’r drafodaeth yn canolbwyntio ar sut olwg sydd ar weithiwr da ar gyfer pobl ifanc sy’n gadael gofal awdurdod lleol: beth sy’n gweithio’n dda, cyngor i rai eraill sy’n gadael gofal a beth sydd angen ei ddatblygu.

Arweinir y prosiect gan Dr Ceryl Teleri Davies (PI), gyda Dr Louise Prendergast a chydweithrediadau gyda Dr Ned Hartfiel a’r Athro Rhiannon Tudor Edwards

25 Awst 2023.

Gyda: Yr Athro Rhiannon Tudor Edwards

Mae'r podlediad yn rhoi cyfle i drafod pynciau mewn offthalmoleg, fel y darperir yn Uned Llygaid St. Paul ac ymchwil llygaid a gynhaliwyd yn Adran Gwyddor Llygaid a Golwg ym Mhrifysgol Lerpwl. Gan ganolbwyntio ar drafod economeg iechyd drwy lens offthalmoleg, yn y drafodaeth hon mae Rhiannon yn tynnu ar ei deng mlynedd ar hugain o brofiad ym maes dylunio, cynnal, dadansoddi a lledaenu economeg iechyd ochr yn ochr â threialon clinigol ar draws ystod ehangach o feysydd clinigol ac iechyd y cyhoedd yn y DU ac yn rhyngwladol.

20 Chwefror 2023.

Gyda: Yr Athro Rhiannon Tudor Edwards, cyd-gyfarwyddwr CHEME.
Gwahoddwyd Rhiannon i gymryd rhan yn nhrydedd bennod podlediad Let’s Chat Dental. Yn y bennod hon, bu’n trafod beth yw economeg iechyd a’i pherthnasedd i yrfaoedd deintyddol.

9 Gorffennaf 2018.

Gyda: Yr Athro Rhiannon Tudor Edwards, cyd-gyfarwyddwr CHEME yn siarad â Simon Pauley o Radio Connect RNIB.
I lawer, gall colli eich golwg fod yn brofiad brawychus ond beth os dywedwyd wrthych y byddech yn mynd yn ddall fel plentyn? Llwyddodd Rhiannon Tudor Edwards, sydd bellach yn Athro mewn Economeg Iechyd ym Mhrifysgol �鶹�� yng Nghymru ac yn fentor i bobl ifanc â nam ar eu golwg, i oresgyn yr heriau a ddaeth yn sgil diagnosis brawychus iddi. Mae Rhiannon yn cofio’r blynyddoedd o golli ei golwg ac yn datgelu sut y llwyddodd i wthio drwodd ac aros mor gadarnhaol ac optimistaidd ag y mae.