Ynglŷn â’r Cwrs Yma
Archwilio addysgu effeithiol drwy holi theorïau, modelau a strategaethau addysgeg allweddol. Mae'r modiwl hwn yn grymuso addysgwyr i fyfyrio'n feirniadol, dadansoddi data dysgwyr, a chymhwyso arferion arloesol mewn cyd-destun priodol. Bydd cyfranogwyr yn creu portffolio sy'n annog myfyrwyr i adfyfyrio ar ddulliau addysgu arloesol a'r effaith ar ddysgwyr.
I bwy mae’r cwrs hwn yn addas?
Ymarferwyr sy'n gweithio ar hyn o bryd yn y sector addysg. Gall hyn gynnwys, ond nid yw'n gyfyngedig i:
- Uwch arweinwyr
- Athrawon
- Cynorthwywyr addysgu
- Cydlynwyr Anghenion Dysgu Ychwanegol
- Ymarferwyr sy'n gweithio yn yr awdurdod lleol
- Partneriaid gwella ysgolion
- Staff Estyn
Pam astudio’r cwrs?
Nodau’r modiwl hwn yw:
- Galluogi myfyrwyr i ddadansoddi a gwerthuso eu harferion addysgol eu hunain a'u sgiliau proffesiynol ehangach
- Adolygu'n feirniadol tystiolaeth ymchwil ar athroniaethau, damcaniaethau allweddol a modelau ymarfer sydd yn ymwneud ag addysgeg.
- Archwilio'r berthynas rhwng damcaniaeth, polisi ac ymarfer mewn perthynas ag ymarfer proffesiynol a phedagogaidd.
- Hyrwyddo datblygiad gwybodaeth, dealltwriaeth a sgiliau addysgeg sy'n addas ar gyfer eu cyd-destun eu hunain;
- Galluogi myfyrwyr i fyfyrio'n feirniadol ar strategaethau addysgeg allweddol a fydd yn llywio eu harferion addysgeg eu hunain a chyfleoedd addysgu yn y dyfodol o fewn eu cyd-destunau proffesiynol.
Pa mor hir mae'n ei gymryd i gwblhau'r cwrs?
Mae'r cwrs byr hwn yn rhedeg dros un ar ddeg wythnos. Disgwylir i fyfyrwyr weithio trwy lyfrau gwaith hunan-dywys a mynychu dwy sesiwn 'cwrdd â'r tiwtor' cydamserol 1 awr o hyd.
Gwybodaeth am asesiadau
Yr aseiniad ar gyfer y modiwlau hyn yw Portffolio 4,000 o eiriau, sydd wedi'i rannu'n ddwy ran:
Rhan 1: Casgliad o erthyglau wedi'u hanodi a'u cysylltu â sylwebaeth feirniadol i ddangos myfyrdod a gwerthuso damcaniaethau, strategaethau dysgu ac addysgu.
Rhan 2: Cynllun gwers (neu gyfres o wersi) a gwerthusiad sy'n gysylltiedig â damcaniaeth ac ymchwil.
Cynnwys y Cwrs
Beth fyddwch chi’n ei astudio ar y cwrs yma?
Mae Addysgeg ac Ymarfer yn gyflwyniad i ymarferwyr heb TAR diweddar. Mae'r modiwl hwn yn edrych ar ddamcaniaethau addysgu a dysgu a sut y gallwn lunio a dehongli ymarfer ystafell ddosbarth gan ddefnyddio'r gwahanol theorïau hyn.
Gwybodaeth bellach
Mae pob llyfr gwaith ar-lein ar gael yn ddwyieithog. Lle bo modd, cynigir sesiynau cydamserol ar-lein yn y Gymraeg a'r Saesneg. Fodd bynnag, nodwch, os nad oes digon o gyfranogwyr sy'n siarad Cymraeg i alluogi trafodaeth ystyrlon, efallai y cewch wahoddiad i ymuno â sesiwn cyfrwng Saesneg.
Cost y Cwrs
Cost y cwrs hwn yw £975.00.
Gofynion Mynediad
Mae’n rhaid i ymgeiswyr fod â gradd israddedig mewn unrhyw bwnc. Er mwyn cwblhau gweithgareddau myfyriol o fewn y llyfrau gwaith a'r aseiniadau, bydd rhaid i ymgeiswyr hefyd fod mewn rôl gyfredol o fewn y sector addysg.
Lefel o sgiliau iaith Saesneg
Rhugl
Lefel o sgiliau iaith Saesneg
Rhugl, os ydych chi am gymryd rhan drwy'r llwybr cyfrwng Cymraeg.
Nid oes angen os ydych chi'n cwblhau'r cwrs drwy gyfrwng y Saesneg.
Gwneud Cais
Sut i wneud cais
Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.
Paratowch y wybodaeth ganlynol (mewn dogfen Word):
- Manylion cyflogaeth cyfredol;
- Blynyddoedd o brofiad, a hanes cyflogaeth (lle bo hynny'n berthnasol)
- Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.
Bydd hyn yn cyflymu'r broses o lenwi'r ffurflen gais.
I wneud cais am y cwrs hwn, mae angen i chi greu cyfrif yn ein
Bydd angen i chi gael mynediad at y cyfeiriad e-bost yr ydych yn ei nodi wrth greu eich cyfrif i'w gadarnhau.
Ar ôl creu cyfrif, byddwch yn gweld tudalen gartref gyda sawl tab:
- Personol
- Rhaglen
- Gwybodaeth
- Cyswllt
- Addysg
- Cyflogaeth
- Iaith
- Cyllid
Mae angen i chi gwblhau pob adran cyn cyflwyno'ch cais.
Pan fydd adran wedi'i chwblhau, bydd symbol 'tic' yn ymddangos ar y tab.
- Cliciwch ar 'Ceisiadau nad ydynt yn graddio / Modiwlau Annibynnol', yna dewiswch 'Heb raddio Israddedig'.
- Yn yr adran nesaf, dewiswch Modiwlau a Addysgir nad ydynt yn Graddio mewn Addysg Cliciwch Cadw a Parhau.
- Ar y dudalen nesaf, y rhagosodiad ar gyfer y cwestiwn cyntaf yw Llawn Amser. Mae'n rhaid i chi newid hyn i 'Ran Amser':
- Nawr mae angen i chi fewnbynnu cod y modiwl: Addysgeg ac Arfer: y cod yw: XME-4301; XMC-4301. Rhaid cwblhau'r adran hon er mwyn i'ch cais gael ei brosesu.
- Mae angen i chi hefyd nodi'r dyddiad dechrau. Dewiswch eich dewis, yna cliciwch 'Cadw a Parhau'.
- PWYSIG: Nid oes angen i chi ysgrifennu datganiad personol i wneud cais am y cwrs hwn. Yn hytrach, llwythwch y ddogfen i fyny, gan gynnwys gwybodaeth am gyflogaeth, profiad ac addysg rydych wedi'i chreu cyn dechrau'r cais sy'n cynnwys enw eich cyflogwr presennol, nifer y blynyddoedd o brofiad sydd gennych, a'ch cymhwyster uchaf hyd yn hyn. Cliciwch Cadw a symud ymlaen.
Dim ond manylion eich cymhwyster uchaf sydd ei angen arnoch hyd yma, e.e. os oes gennych gymhwyster ôl-raddedig, dim ond hyn y dylech ei gynnwys.
Gofynnir i chi am dystiolaeth o'r cymhwyster. Anfonwch gopi o'ch cymhwyster naill ai os yw'n hawdd ei gyrraedd, neu lanlwythwch y ddogfen Word eto (a baratowyd gennych yn gynharach)
Ewch i waelod y dudalen a chliciwch ar 'Nid oes gennyf unrhyw hanes cyflogaeth'. Rydych eisoes wedi paratoi'r wybodaeth yma yn eich dogfen Word.
Os ydych yn cael eich ariannu, atebwch y cwestiynau a ganlyn:
- Sut byddwch chi'n ariannu'ch astudiaethau? Noddedig
- Union enw'r awdurdod cyllido:
- Gwlad: Y Deyrnas Unedig
- Rhowch fanylion swm y dyfarniad? Wedi'i ariannu'n llawn.
- Bydd y nawdd yn cynnwys: Ffioedd Dysgu
- A ydych chi wedi derbyn y cyllid hwn? Dewiswch ‘ie’ * Sylwch y bydd gofyn i chi uwchlwytho tystiolaeth o’r cyllid. Os hoffech gadarnhau ‘ie’ i’r cwestiwn hwn, ond nad oes gennych unrhyw gadarnhad ysgrifenedig i’w uwchlwytho, gallwch uwchlwytho’ch ddogfen Word yma eto.
Os ydych yn hunan-ariannu, neu'n cael eich ariannu gan bractis meddyg teulu annibynnol, rhowch yr holl fanylion fel y bo'n briodol