Fel rhan o'r interniaeth, bydd Bella yn cynnal cyfweliad naratif hir gyda pherson ifanc digartref am eu profiad o ddigartrefedd. Yn dilyn hynny, bydd Bella'n cyflwyno'r canfyddiadau mewn gweithdy yng Ngwlad Pwyl ym mis Mehefin a fydd yn cael ei fynychu gan chwe myfyriwr o Fangor a ariennir gan Gronfa Â鶹Íø a myfyrwyr o’r Almaen a Gwlad Pwyl.
Ar ôl cael ei phenodi, dywedodd Isabella ‘Rwy’n edrych ymlaen at weithio ar y prosiect cyfweld digartrefedd, a fydd yn caniatáu i mi gyfuno fy nghefndir academaidd â fy angerdd am newid cymdeithasol. Bydd y prosiect hwn nid yn unig yn caniatáu i mi gyfrannu at waith ymchwil pwysig ond bydd hefyd yn rhoi’r cyfle i mi ddysgu o brofiadau’r rhai sydd wedi’u heffeithio’n uniongyrchol gan ddigartrefedd."
Wedi cwblhau ei hastudiaethau, bydd Bella yn gweithio i elusen leol yn cynorthwyo pobl ifanc y mae digartrefedd yn effeithio arnynt.
Goruchwylir gwaith Bella fel intern gan Dr Hefin Gwilym, Darlithydd Polisi Cymdeithasol, a ddywedodd: "Llongyfarchiadau i Bella ar lwyddo mewn proses gyfweld gystadleuol ar gyfer yr interniaeth gyflogedig 80 awr hon yn Ysgol Hanes, y Gyfraith a Gwyddorau Cymdeithas. Bydd y cyfle cyffrous hwn yn ychwanegu’n sylweddol at ei sgiliau ymchwil ac yn gwella ei chyflogadwyedd".