Â鶹Íø

Mae academydd o Brifysgol Â鶹Íø, Dr Chrysovalantis Vasilakis, sy’n uwch ddarlithydd mewn economeg, wedi ennill gwobr yr Association of European Operational Research Societies (EURO) am bapur gorau’r European Journal of Operational Research (EJOR) yn y categori Theori a Methodoleg.

Mae'r papur ag ysgrifennodd ar y cyd ag academyddion eraill, Forecasting and planning during a pandemic: COVID-19 growth rates, supply chain disruptions, and governmental decisions, yn trafod sut y chwaraeodd ymchwil weithredol ran hanfodol wrth gynorthwyo llunwyr polisi yn ystod y pandemig COVID-19. Drwy ddefnyddio data o sawl gwlad, datblygwyd offer dadansoddi rhagfynegol i ragweld cyfraddau twf COVID-19 a'r galw am gynhyrchion/gwasanaethau yn ystod y pandemig. Defnyddiwyd modelau amrywiol gan gynnwys rhai ystadegol, epidemiolegol, dysgu peirianyddol, a dull hybrid ar gyfer gwneud rhagolygon. Roedd y canlyniadau'n cynnig mewnwelediadau gwerthfawr i gefnogi gwell penderfyniadau ar gyfer clefydau pandemig parhaus a rhai yn y dyfodol. Pwrpas y wobr yw gwahaniaethu'r papurau gorau a gyhoeddwyd yn EJOR, gan eu gwerthuso yn seiliedig ar ansawdd gwyddonol, gwreiddioldeb, a pherthnasedd i Ymchwil Weithredol.

Meddai Chrysovalantis, "Mae’n anrhydedd i dderbyn y wobr hon ac rwy'n falch iawn. Mae'n braf cael cydnabyddiaeth i'n hymdrechion. Mae fy nghyd-awduron a minnau'n ymfalchïo yn y papur hwn gan ei fod nid yn unig yn gwneud cyfraniad sylweddol i lenyddiaeth academaidd ond hefyd yn rhoi mewnwelediadau i lunwyr polisi ar sut y dylent ddelio â digwyddiadau annisgwyl fel COVID-19 yn y dyfodol. Ar ben hynny, mae'r wobr hon yn nodi dechrau ymdrech ar y cyd gan yr Ysgol Fusnes i symud ymlaen ymhellach ym maes dadansoddi data trwy gyflwyno a chefnogi rhaglenni academaidd newydd."