Â鶹Íø

Mae cymuned Prifysgol Â鶹Íø yn parhau i brofi sioc a thristwch o ganlyniad i’r marwolaethau cwbl drasig a geir yn y brwydro yn Gaza, Palesteina ac Israel. Rydym ninnau yma yn rhannu dyheadau ein staff a’n myfyrwyr am ddatrysiad heddychlon a pharhaus i’r sefyllfa cyn gynted â phosib.

Ym mis Mai, codwyd gwersyll o blaid Palesteina ar y lawnt o flaen Pontio gan grŵp o bobl yn protestio yn erbyn y gwrthdaro. Gwelwyd nifer o brotestiadau tebyg yn y Deyrnas Unedig, yr UDA a’r byd yn ehangach.

Rydym wastad wedi ymdrechu i gynnal deialog mewn modd adeiladol gyda’n myfyrwyr. Mae aelodau Bwrdd Gweithredu’r Brifysgol wedi cyfarfod â’r protestwyr ar fwy nag un achlysur er mwyn deall eu gofynion, ymateb iddynt ac i ateb eu cwestiynau. Rydym yn gweithio’n agos ag Undeb y Myfyrwyr sy’n ymweld â’r wersyllfa yn rheolaidd. Roedd ein Prif Swyddog Cyllid, Martyn Riddleston a’n Prif Swyddog Gweithredu, Michael Flanagan, yn falch o gael cyfarfod â Swyddogion Sabothol bythefnos yn ôl er mwyn parhau â’r sgyrsiau hyn. 

Mae Prifysgolion yn darparu cyfleoedd a gofodau diogel ar gyfer trafod. Mae amddiffyn hawliau mynegiant rhydd yn hollbwysig ac mae’r Brifysgol yn cefnogi yn llawn hawliau myfyrwyr i drafod a phrotestio’n heddychlon. Yn ogystal, rydym yn ddieithriad yn condemnio hiliaeth, gwrth-semitiaeth, Islamoffobia, gwahaniaethu, aflonyddu, sarhau neu ymddygiad troseddol, gan nad oes unrhyw le i’r rhain yn ein cymuned.

Diogelwch, sicrwydd a lles ein holl gymuned fu ein prif bryder o’r cychwyn cyntaf. Mae gennym ddyletswydd i sicrhau bod ein holl staff a myfyrwyr yn gallu byw, gweithio, astudio a chymdeithasu heb ofn neu drallod. Mae nifer o staff a myfyrwyr wedi cysylltu â mi i ddweud bod rhai o’r deunyddiau sy’n cael eu harddangos yn y wersyllfa ac ar gyfryngau cymdeithasol yn achosi trallod iddynt. Rydym yn cymryd y cwynion hyn o ddifrif gan ein bod yn gwybod bod presenoldeb y wersyllfa yn peri gofid i rai aelodau o’n cymuned.

Buddsoddiadau Prifysgol Â鶹Íø

Mae gan Brifysgol Â鶹Íø Bolisi Buddsoddiadau moesegol a chynaliadwy. Mae ein Polisi yn nodi ein bod yn disgwyl i lefel uchel o fesurau Amgylcheddol, Cynaliadwyedd a Llywodraethu (ACLl) fod yn eu lle ar gyfer unrhyw fuddsoddiad posibl. Mae'r Brifysgol hefyd yn cynnal ymchwiliadau gyda buddsoddiadau posibl er mwyn peidio â buddsoddi ym meysydd arfau, arfau milwrol, alcohol, gamblo, tybaco, adloniant oedolion a chwmnïau tanwydd ffosil.

Mewn ymgynghoriad â’n cymuned myfyrwyr, mae Pwyllgor Buddsoddi Prifysgol Â鶹Íø wedi cyfarfod ac yn adolygu ei bortffolio buddsoddi. Ymhellach at hyn, mae cais wedi ei gyflwyno i’n Rheolwyr Buddsoddiadau, UBS, iddynt wneud rhagor o ymchwil diwydrwydd dyladwy er mwyn sicrhau bod ein portffolio buddsoddi presennol yn wirioneddol yn cydymffurfio â’n Polisi Buddsoddi Moesegol. Gellir gweld y sefyllfa ddiweddaraf yma.

Yn ogystal, rydym yn ailategu ein cefnogaeth i’r Council for At-Risk Academics (CARA), sy’n darparu cymorth brys i academyddion sydd mewn perygl uniongyrchol.

Sut i godi pryderon

Rydym yn cydnabod yn llwyr y rhan sylweddol y mae protest yn ei chwarae mewn cymdeithas ddemocrataidd a bod rhyddid mynegiant yn golygu bod gan unigolion hawl i leisio barn a allai dramgwyddo eraill. Ond rwy'n ymwybodol bod y digwyddiadau cyfredol hyn yn effeithio ar iechyd meddwl a lles myfyrwyr a staff. Os ydych chi neu rywun yr ydych yn ei adnabod wedi dod ar draws neu wedi gweld unrhyw achos o wahaniaethu, neu os oes gennych unrhyw bryder diogelu, rwyf yn annog myfyrwyr yn gryf i gysylltu gyda Thîm Cymorth a Lles Myfyrwyr Prifysgol Â鶹Íø neu Undeb y Myfyrwyr.

• Cysylltu gyda thîm diogelwch y campws ar 01248 382795 neu ymweld â lefel 3 yn Pontio.
• Cefnogaeth llesiant
• I roi gwybod am bryder diogelu, e-bostiwch diogelu@bangor.ac.uk
• I roi gwybod am unrhyw achos o wahaniaethu yn erbyn myfyrwyr, cysylltwch â’r Swyddog Cydraddoldeb ac Amrywiaeth Myfyrwyr: cynhwysol@bangor.ac.uk

Os ydi staff yn profi, mewn unrhyw fodd, drais, aflonyddu neu unrhyw drosedd gasineb, yn cynnwys o natur rywiol neu hiliol, rwyf yn eich annog i roi gwybod inni (manylion isod).

Rwy’n gobeithio y bydd y datganiad hwn yn gymorth i chi ddeall ein safbwynt. Rydym yn meddwl am bawb y mae'r amgylchiadau cymhleth, heriol ac emosiynol hyn wedi effeithio arnynt a byddwn yn parhau i ddarparu cymorth i'r rhai yr effeithir arnynt gan y digwyddiadau trasig hyn.