Â鶹Íø

Fy ngwlad:
Fy ngwlad:

Chwilio

Cau
Dau fyfyriwr yn eistedd yn sgwrsio yn y twyni

Pam Dewis Astudio yng Ngogledd Cymru?

O'n prif gampws bywiog ym Mangor i'n Hysgol Gwyddorau Eigion ar Ynys Môn, a'n cyrsiau Radiograffeg arbenigol yn Wrecsam, mae Prifysgol Â鶹Íø yn cysylltu cymunedau ar draws Gogledd Cymru - yn ein gwneud yn wirioneddol y brifysgol i'r rhanbarth.

Addysg o'r Radd Flaenaf

Cafodd Prifysgol Â鶹Íø ddyfarniad rhagorol yn dilyn ein Hadolygiad Gwella Ansawdd Sefydliadol (QER) diweddar. Cewch eich addysgu gan arbenigwyr sy'n arwain y byd ac sy'n rhan o amrywiaeth o brojectau ymchwil, gan ddefnyddio cyfleusterau o'r radd flaenaf ym Mhrifysgol Â鶹Íø. Mae arbenigedd y staff yn cael ei ymgorffori yn ein gweithgareddau addysgu, gan roi mynediad uniongyrchol i chi at y datblygiadau diweddaraf yn eich maes astudio.

Byw a Dysgu Mewn Cymuned Ddwyieithog Groesawgar

Gallwch wneud eich gradd gyfan neu ran ohoni drwy gyfrwng y Gymraeg mewn sawl Ysgol academaidd. Mae galw mawr am weithwyr proffesiynol ifanc sy'n gallu gweithio'n ddwyieithog yng Nghymru felly mae hyn yn gallu gwneud gwahaniaeth mawr i'ch gyrfa. Mae Neuadd John Morris Jones, sef ein llety i siaradwyr a dysgwyr Cymraeg yn cynnig cymuned glòs a chyfeillgar i fyfyrwyr o bob cwr o Gymru. 

LLE DAW HANES AC EGNI YNGHYD

Castell Caernarfon

Safle Treftadaeth y Byd UNESCO Yn Gefndir i'r Cyfan

Gyda threfi hanesyddol fel Biwmares, Conwy a Chaernarfon a phentrefi golygfaol fel Beddgelert a Betws-y-Coed yn gymdogion, mae yma ddigonedd o safleoedd o ddiddordeb hanesyddol i chi ymweld â hwy.

Myfyrwyr yn sgwrsio ac yn chwerthin dros bryd o fwyd

Naws Ddinesig mewn Lleoliad Prydferth

Mae trefi fel Â鶹Íø a Wrecsam yn cynnig yr holl egni cosmopolitan rydych chi'n ei ddyheu amdano - siopau coffi annibynnol, bwytai amrywiol, lleoliadau cerddoriaeth fyw, a golygfeydd myfyrwyr bywiog - ond wedi'u hamgylchynu gan fynyddoedd a thraethau.
 

ANTURIAETHAU AC ATYNIADAU

Myfyriwr ar Fwrdd Padlo ar Llyn Padarn yn Llanberis

Anturiaethau Rhwng Darlithoedd

Dringo creigiau, beicio mynydd, cerdded, canŵio, syrffio, zip-leinio - mae Gogledd Cymru yn llythrennol brifddinas antur y DU. Un peth sy'n sicr, mae hyn i gyd ar garreg eich drws yn bendant yn ychwanegu dimensiwn gwahanol at fywyd myfyriwr.

Llun o fyfyrwyr yn cerdded y tu allan i ddrws ail lawr adeilad Pontio.

Atyniadau i Bawb

O'r weiren wib gyflymaf yn y byd i drampolinau tanddaearol mewn hen fwyngloddiau, o reilffyrdd stêm i'r tŷ lleiaf ym Mhrydain - mae Gogledd Cymru'n pacio llawer o brofiadau unigryw fesul milltir sgwâr felly mae digon i'w wneud yn eich amser rhydd.

legacy

Y gorau o’r ddau fyd yng Ngogledd Cymru

Cewch heddwch a thawelwch ardal hardd, ond mae’r mae priffyrdd mawr fel yr A55 a chysylltiadau rheilffordd ardderchog yn mynd â chi i Gaer, Manceinion neu Lerpwl yn ddi-drafferth os ydych chi'n ffansïo newid cyflymder am ddiwrnod o siopau neu noson allan gyda ffrindiau.

Grŵp o fyfyrwyr yn sgwrsio

Costau Byw Is

Rydym yn deall bod cyllidebau myfyrwyr yn dynn. Mae byw yng Ngogledd Cymru yn sylweddol rhatach na'r rhan fwyaf o ddinasoedd prifysgol mawr. Mae costau byw is yn golygu ansawdd bywyd uwch. Mwy o arian ar gyfer profiadau, llai ar gyfer rhent. Mae hynny'n golygu mwy o gigs, mwy o deithiau, a mwy o hwyl.
 

Restaurant Food on a table
Credit:Mister Mister @ Pexels

Bwydydd Lleol Heb Eu Hail

Mae Gogledd Cymru'n profi dadeni coginio. Byddwch yn profi bwytai sy'n defnyddio cynhwysion Cymreig lleol, cynhyrchwyr bwyd crefft, marchnadoedd ffermwyr, a thafarndai traddodiadol.