Myfyrwraig Seicoleg yn ennill gwobr UCM Cymru
Fe ennillodd Hannah Rettie, 21 o Abergele a fyfyriwr trydedd flwyddyn yn yr Ysgol Seicoleg, wobr "Cynrychiolydd Cwrs y Flwyddyn Menter Ennyn Cyfraniad Myfyrwyr Cymru".
Enwebwyd Hannah am ei gwaith fel Cynrychiolydd Cwrs yn yr Ysgol Seicoleg lle mae hi wedi cynyddu'r adborth gan fyfyrwyr ac wedi cymryd agwedd ragweithiol trwy ddefnyddio arolygon ar-lein a chyfryngau cymdeithasol. Mae Hannah hefyd wedi gweithio gyda'r ysgol ar eu cynllun gweithredu i'r Arolwg Cenedlaethol Myfyrwyr i greu hysbysfwrdd "fe ddywedoch chi, fe wnaethom ni", sy'n cael ei ddefnyddio i ddweud wrth fyfyrwyr sut mae eu hadborth yn cael ei weithredu.
Wedi gwirioni hefo’i wobr, dywedodd Hannah: "Cefais andros o sioc pan deallais fy mod wedi ennill y wobr hon, doeddwn ddim yn disgwyl hyn o gwbl! Rwyf mor ddiolchgar i bawb am fy enwebu, diolch i chi gyd!
“Rydw i wedi bod yn gynrychiolydd cwrs drwy’r tair blynedd i mi fod ym Mhrifysgol Â鶹Íø, ac rwy’n caru’r rôl. Rwy'n mwynhau ymgysylltu â myfyrwyr a staff, ac mae'n deimlad da cael datrys unrhyw broblemau myfyrwyr. Yn ogystal â thrafod unrhyw faterion yn y cyfarfodydd, yr wyf yn credu ei bod hefyd yn bwysig i gyfleu unrhyw ganmoliaeth a phethau cadarnhaol y mae'r myfyrwyr yn fynegi, gan fod angen i staff wybod pan fydd pethau'n mynd yn iawn hefyd! Yr wyf wedi cyfarfod â phobl gwych drwy fod yn gynrychiolydd cwrs, a byswn yn argymell unrhyw un sy'n angerddol am eu cwrs a'r Brifysgol i fod yn gynrychiolydd cwrs."
Nid yn unig fod Undeb Myfyrwyr Â鶹Íø wedi ennill categorïau Cynrychiolydd Cwrs y Flwyddyn ac Aelod Staff y Flwyddyn yn Noson Wobrwyo flynyddol eleni ond fe wnaethant hefyd ennill Undeb Myfyrwyr Addysg Uwch y Flwyddyn.
Dywedodd Antony Butcher, Llywydd Undeb Myfyrwyr Â鶹Íø: "Roedd y noson yn grêt ar gyfer yr Undeb, ein staff a’n myfyrwyr gwych. Mae’n gamp i gyrraedd y rhestr fer, ond roedd ennill tair gwobr yn aruthrol. Mae hyn yn cydnabod faint o waith mae'r Undeb wedi wneud ar gyfer myfyrwyr ym Mangor."
Dyddiad cyhoeddi: 28 Mawrth 2014