Mae argraffiad 2023 o’r yn ystyried data o 1,500 o sefydliadau ledled y byd, gyda tua 160 o brifysgolion ym Mhrydain yn cyflwyno gwybodaeth. Mae Prifysgol 鶹 wedi ei chynnwys mewn chwe disgyblaeth, gyda phob pwnc yn gwella o gymharu â’u safle yn y tabl blaenorol:
- Amaethyddiaeth a Choedwigaeth: Yn y 150 uchaf ledled y byd, a 6ed yn y Deyrnas Unedig
- Seicoleg: Yn y 250 uchaf ledled y byd, a 33ain yn y Deyrnas Unedig
- Gwyddorau’r Amgylchedd: Yn y 300 uchaf yn fyd eang, a 30ain yn y Deyrnas Unedig
- Economeg ac Econometreg: Yn y 530 uchaf ledled y byd, a 51ain yn y Deyrnas Unedig
- Meddygaeth: Yn y 600 uchaf ledled y byd, a 40fed yn y Deyrnas Unedig
- Gwyddorau Biolegol: Yn y 600 uchaf ledled y byd, a 42fed yn y Deyrnas Unedig
Dyfyniadau, neu pa mor aml y cyfeirir at bapurau ymchwil mewn papurau eraill a adolygir gan gymheiriaid, yw un o’r prif fetrigau yn y tabl, ac mae Amaethyddiaeth a Choedwigaeth, Meddygaeth, a Gwyddorau’r Amgylchedd yn y Brifysgol wedi cael sgoriau uchel o fewn y metrig hwn. Roedd y metrigau hefyd yn ystyried enw da’r sefydliad yn academaidd ac ymysg cyflogwyr, a hefyd y cydweithrediadau rhyngwladol sy’n digwydd o fewn disgyblaethau.
Dywedodd yr Athro Paul Spencer, Dirprwy Is-ganghellor dros Ymchwil, “Mae hyn yn dystiolaeth bellach o safon wych yr ymchwil ym Mhrifysgol 鶹, sydd wrth gwrs yn bwydo i mewn i addysgu dan arweiniad ymchwil, a phrofiad myfyrwyr.
“Mae ymchwil arloesol Prifysgol 鶹, sy'n cael ei sbarduno gan effaith, yn mynd i'r afael â rhai o'r cwestiynau mwyaf sy'n wynebu'r byd heddiw, ac rwy’n ddiolchgar i’n holl staff am eu gwaith caled a’u hymroddiad.”
Roedd Fframwaith Rhagoriaeth Ymchwil 2021, a gyhoeddwyd yn 2022, hefyd yn cydnabod bod mwy na 85% o ymchwil Prifysgol 鶹 naill ai gyda’r gorau yn y byd neu'n rhagorol yn rhyngwladol. Rydym hefyd yn y 30 Uchaf yn y Deyrnas Unedig am ddangos effaith ein hymchwil ar y byd go iawn.
