�鶹��

Datblygwyd rhaglen BUILT gan staff a chyn-fyfyrwyr Prifysgol �鶹��, ac mae’n dod â myfyrwyr ynghyd i ffurfio timau trawsddisgyblaethol i weithio ar greu datrysiad i her cynaliadwyedd a bwyd. Cychwynnwyd y rhaglen gan y cyn-fyfyriwr Kailesh Karavadra ac fe'i harweiniwyd gan Dr Andy Goodman. Gwelodd rownd derfynol y rhaglen eleni 34 o fyfyrwyr israddedig ac ôl-radd yn cyflwyno eu cynigion. Cafodd pob un o’r timau hyn eu mentora gan gyn-fyfyriwr o’r Brifysgol a’u helpodd i ddatblygu eu syniadau ac sydd wedi bod wrth law i’w cynghori a’u harwain.

Rhoddodd y rhaglen semester o hyd y cyfle i fyfyrwyr ddysgu gwybodaeth fusnes sylfaenol fel rhagweld, cynllunio ac adrodd ar elw/colled, gan ennill gwerthfawrogiad o’r hyn sydd ei angen i ddechrau cwmni a chael profiad o fynd â syniad trwy feddylfryd dylunio i brototeipio at ddefnydd y farchnad o bosib.

Yn ystod y rhaglen, cafodd myfyrwyr eu gwahodd hefyd i ymuno ag arbenigwyr yn eu maes ar gyfer 14 'golwg manwl' ar bynciau i'w helpu i arwain eu projectau. Arweiniwyd nifer o'r rhain hefyd gan gyn-fyfyrwyr Prifysgol �鶹��.

Daeth y rhaglen BUILT i ben ar 2 Mai gyda phob tîm o fyfyrwyr yn cyflwyno eu syniadau i banel o feirniaid annibynnol. Yna arddangosodd y timau bosteri i egluro eu gwaith, a chafodd y pump beirniad gyfle i ofyn cwestiynau cyn dewis eu henillwyr.

Enillwyr 2024 oedd 'Tîm Tatws' gyda'u cynnyrch 'Grad Chef', ap sy'n cyfeirio myfyrwyr at gynnyrch a busnesau lleol, gyda nodwedd ryseitiau a fydd yn atal gwastraff bwyd. Derbyniodd y tîm y brif wobr o £10,000 i ddatblygu eu busnes ymhellach. Gwnaethpwyd “Gwobr Mabel Evans am Arloesedd” o £10,000 yn bosibl oherwydd rhodd garedig gan y cyn-fyfyriwr Jonathan Wright (1999, Polisi Cymdeithasol/Troseddeg a Chyfiawnder Troseddol) er cof am ei hen nain, a fu hefyd yn astudio ym Mangor.

Cafodd Tîm Tatws ei fentora gan y cyn-fyfyriwr, Kailesh Karavadra, a ddywedodd “Mae’r rhaglen BUILT yn darparu sgiliau dysgu trwy brofiad sydd mor berthnasol yn y byd gwaith heddiw ac rydyn ni’n credu sy’n gwahaniaethu ein myfyrwyr wrth iddynt gystadlu am gyflogadwyedd. Gwaith arbennig gan y Brifysgol a llongyfarchiadau mawr i Dîm Tatws. Roedd eu syniad buddugol ar gefnogi Myfyrwyr Cynaliadwyedd yn ymwneud â thyfu bwyd lleol yn wych i’w weld o’r had i’r cynhaeaf!”

Dyfarnwyd gwobrau o £2,500 i’r ail orau i Avocado Associates am eu ap WellRooted, i fynd i’r afael â’r heriau logisteg a dosbarthu a wynebir gan ffermwyr lleol, a Carrot Crusaders a’u cynnyrch Dragon Nutrition, cymysgedd o lysiau sych, lleol ar ffurf pŵer i’w ychwanegu at brydau. Dyfarnwyd y £5,000 hwn o Gronfa �鶹�� a weinyddir gan y Swyddfa Datblygu a Chysylltiadau Cyn-fyfyrwyr o roddion gan gyn-fyfyrwyr. 

Noddwyd rownd derfynol BUILT hefyd gan Succession Wealth, cwmni cyngor ariannol cenedlaethol mawr, a WeSpeak, rhaglen sy’n trawsnewid hyder siarad myfyrwyr prifysgol, a ddarparodd dri lle i fyfyrwyr ar gyfer eu rhaglen Haf 2024.

Dywedodd y prif feirniad, Tim Clay: “Roedd yn fraint cael bod yn rhan eto o fenter mor wych fel prif feirniad ac roedd yn gwbl amlwg bod y myfyrwyr wedi cael llawer iawn allan o’r profiad a fydd o fudd iddynt yn eu gyrfaoedd yn y dyfodol. Wrth siarad yn uniongyrchol ag aelodau'r tîm, roedd eu brwdfrydedd yn eithaf amlwg. Efallai ein bod ni wedi darganfod ychydig o entrepreneuriaid newydd!”

Trwy gymryd rhan yn y rhaglen, caiff y myfyrwyr gyfle gwych i dynnu ar arbenigedd ein cyn-fyfyrwyr a dysgu am fyd cyflogaeth trwy fentora grŵp ac un-i-un gan arbenigwyr yn eu maes.

Gellwch weld y cyfan o'r lluniau o'r digwyddiad yma.